千層素鵝

千層素鵝

今日放假本身打算喺屋企煲劇，睇睇下劇集又覺得有啲悶，上咗車之後好直接咁揸咗車去街市🤣🤣🤣🤣，行嚟行去睇吓整啲咩做晚餐，就比我睇到腐皮啦。諗吓諗吓有好多客人都係素食者，好耐冇做過素鵝，今日見得閒就煮下，順手寫下食譜俾大家。 喺出邊食嘅素鵝，味道比較淡、餡料唔夠香。自己做可以自己調味，製法其實唔難就係要一啲心機啦！ 材料：腐皮2片、冬菇八隻（浸軟切薄片）、甘筍半條（切幼絲）、金菇半包（洗乾淨）、莞茜葉 餡料調味料：素蠔油一湯匙、生抽少許、糖少許、麻油¼茶匙腐皮調味料：素蠔油兩湯匙、水兩杯、糖一湯匙、豉油一湯匙、麻油一湯匙（煮滾即可）...