台式蜂蜜綠茶加珍珠😆

除左泰菜外，要數鐘意既飲品就一定係台式珍珠奶茶🍵🍵，而我最鐘意既就係蜂蜜綠茶加珍珠，由form 4 飲到而家，呢排去返中學時成日幫襯的台式餐廳，居然無轉老闆，仲有老闆居然仲記得我😅😅😅傾開又傾，老闆仲教左我點整珍珠，原來真係好容易，試下你就知😍 珍珠材料：黑糖45g、水65g、太白粉/片粟粉100g 蜂蜜綠茶材料：綠茶茶包1個、蜂蜜適量 步驟 煲滾水放入黑糖煮融至大滾 將黑糖液沖到太白粉/片粟粉中 用筷子拌混，待涼一點用手搓好 壓扁後切成一粒粒小正方形後搓圓，加少許太白粉以防珍珠痴埋...