氣炸脆皮雞翼

氣炸脆皮雞翼

由細到大都好鍾意食炸雞翼，細個嘅時候爸爸會喺秋風起嘅時候買好多雞全翼返屋企，晨早流流就幫佢哋上皮，然後用冷衫嘅針將佢哋穿起，再掛喺衣架上面，掛喺窗出邊吹乾佢🤣炸雞翼，對於我嚟講係一個好特別嘅童年回憶，因為要符合好多條件先有得食：秋風起、遇正星期六日阿爸唔使返工、仲要佢心情好、仲要唔懶肯出去買雞翼😛難道指數90%😎 以前遇到秋風起嘅時候，都會間中喺露台嗰度吹乾啲雞翼自己用油炸，但係一玩就玩一日，今日晏晝突然間好想食炸雞翼，唔夠時間吊一日、天氣有潮潮濕濕咁樣！咁就試吓用氣炸鍋啦！ 氣炸鍋最低嘅溫度，可以set到...