蝦醬魷魚炆豬手

今日病左，口淡淡好想食師傅教既魷魚豬手，因病到暈暈地，所以今日去taste 買豬手就算，買左一隻叫農夫豬既豬手，返到屋企先發現佢無切開一切切，但因為懶既原故，所以就咁用就算，又估唔到，原來呢隻農夫豬手炆一陣就又滑又稔，之前試過香港豬都係好難稔，呢隻真係可以一試呀！ 材料： 豬手一隻、乾魷魚6-7隻 調味： 蝦醬少許、椰糖少許、油少許、水少許、生抽少許 步驟： 豬手洗乾淨，記得用夾清取雜毛 豬手以跑活水形式煲滾，再清洗乾淨 調味料拌混待用 乾魷魚洗淨 在鍋中置入豬手及魷魚，加入調味料，以中火煮滾，再用小火炆至稔身即可 Enjoy...

泰式豬手飯

去曼谷最愛周街食豬手飯🐖🐖🐖，滑滑既豬肉配埋個汁實在是無得頂呀！❤️❤️❤️😍今次跟朋友食譜自己加d減d,出黎既成品好味到呢🤤🤤🤤 材料：豬手一隻、雞蛋5隻、冬菇4隻、蒜頭6粒、八角2-3粒、白胡椒粒半茶匙、五香粉少許、莞茜根6條、桂皮2枝 調味料：豉油3湯匙、蠔油4湯匙、椰糖3湯匙（鐘意顏色深的可加1-2湯匙老抽）、美祿粉2湯匙 步驟： 豬手以跑活水方式處理後洗淨 冬菇洗淨，不用浸 蒜頭去皮、莞茜根去黃色皮略拍、八角桂皮及白胡椒洗淨 把豬手放在鍋內，加入所有香料及調味料，注入適量清水（水蓋過豬手）， 煲起轉小火煮約1.5 小時...