可愛造型金魚餃

可愛造型金魚餃

幾天前放假，想同阿女玩下做吓親子嘅手工。諗起多年前喺酒店食過嘅金魚蝦餃，蝦餃一向自己都有整開，做金魚形狀應該都不是太難吧！ 早上喺街市買來新鮮嘅泰國花蝦，放冰格冰幾個鐘頭再攞出來做蝦餃，鮮蝦做嘅蝦餃非常美味！加埋喺北海道直送嘅帶子同埋黑毛豬肉，配上金魚可愛嘅造型，小朋友話：「我唔捨得食呀🥹」 放假嘅時候就同小朋友一齊試吓整啦！ 餡料：新鮮泰國花蝦半斤（整蝦膠用）、泰式花蝦六隻（切粒）、北海道刺身帶子兩粒（切粒）、梅頭豬肉4兩（剁碎）餡料調味料：鹽2/5茶匙、麻油少許、生抽1/2茶匙、生粉適量、水1-2湯匙（視乎情況）...
豉汁鳳爪

豉汁鳳爪

話說我媽咪好鍾意食豉汁鳳爪，細細個去酒樓食鳳爪都仲係小點，唔知幾時開始鳳爪變咗做大點，聽日去尖沙咀飲茶，帶點係$35一碟。其實有時唔係錢嘅問題，而係酒樓嘅鳳爪得幾件，每次都要叫兩籠先夠食！既然係咁不如自己試吓整，起碼可以自己選擇材料，鍾意由頭煮到尾嘅朋友可以用新鮮雞腳炸香再整，懶啲嘅就可以用急凍已經炸好左嘅雞腳，悉隨尊便。 我相信其實好多酒樓都係用急凍嘅，$20已經有一磅，夠食餐飽🤣🤣🤣🤣🤣 其實要整唔難，就係要好多醬料，大家快啲睇吓食譜自己試吓整啦😊...
百花魚肚鮮竹卷

百花魚肚鮮竹卷

奶奶好鍾意食鮮竹卷，有一次喺酒樓食到一個好特別嘅鮮竹卷，就好似將棉花雞嘅材料包左喺鮮竹卷入面咁樣。一般嘅鮮竹卷係有豬肉甘筍等等嘅材料，加咗魚肚入去味道層次豐富咗好多。 在酒樓吃嘅版本，只有魚肚及韮黃。我自己覺得魚肚同冬菇係絕配。琴日冇用晒啲龍蝦膏，所以將正如嘅龍蝦膏加埋落去煮，老公話超勁好食。煮嘅時候加埋蝦膠落去，味道層次感更佳！ 材料（可製作六至八條腐皮卷）腐皮一張、蝦膠300-400g、冬菇5-6隻（浸軟切厚片）、魚肚一件...
自製足料珍珠雞

自製足料珍珠雞

又放完聖誕假啦！小朋友又要返學啦，正所謂「一日之計在於晨」，早餐是很重要啊！今天小朋友話好想食珍珠雞，不想買現成急凍的，就自己做做看吧！好吧，見今天有時間，就為家人準備新鮮珍珠雞！（珍珠雞用上黑毛豬臘腸、泰國蝦米、日本香菇及嘉美雞雞髀，用新鮮的材料煮的珍珠雞味道確實不同！今次試做成功！下次加埋咸蛋黃，應該會更加好味！但珍珠雞熱量較高，不能常常吃啊😄 材料：糯米1杯、白米半杯、黑毛豬臘腸1條、香菇4隻、蝦米半湯匙、雞髀一隻、雞湯3/4杯、乾荷葉1塊 步驟： 1. 糯米洗淨以室溫水浸最少3小時，白米洗淨（不用浸）備用 2....
燒賣呀～誰都喜歡你

燒賣呀～誰都喜歡你

《樂思廚小食食譜-黑白燒賣😋😋😋》 到酒樓飲茶，家中的各位都很喜歡吃燒賣。唯獨是我不大喜歡吃酒樓的燒賣，因為酒樓的燒賣多帶肥肉，味道亦較濃。早前見到朋友的食譜教其他人做燒賣，一直都想試試自己做。但到了很多地方都找不到燒賣皮，於是放棄了這個念頭。 昨天路經荃灣，在一間賣粉麵的鋪頭，看了一直想買的燒賣皮。立即就買了，決心製作燒賣作為家中小皇帝們的下午茶。 在荃灣買的燒賣皮蒸煮後非常透薄，餡料則用上街市買的新鮮黑毛豬和冰箱裡的墨魚膠及蝦膠，這款蝦膠味道鮮美，還有大大粒蝦肉、墨魚膠口感也不錯，但略帶咸。...