玫瑰花芒果糯米飯蛋糕

玫瑰花芒果糯米飯蛋糕

泰式芒果糯米飯，係大家好鍾意食嘅甜品之一！無論係泰國定係香港都係咁受歡迎😊幾日前有一個住喺加拿大嘅朋友仔，想訂一個蛋糕俾喺香港嘅屋企人，突然忽發其想，如果用芒果糯米飯做蛋糕嘅話似乎都唔錯，大膽咁樣提議俾佢，大膽咁樣試做，而客人嘅屋企人就係第一個品嚐芒果糯米飯蛋糕嘅朋友。 收到嘅回應都幾正面，所以就整個食譜俾大家！生日嘅時候如果唔鍾意食平時嘅蛋糕，可以自己試吓整一個玫瑰花芒果糯米蛋糕比朋友或者比屋企人，對方收到一定甜入心🥰🥰...
墨魚膠黑毛豬燒賣

墨魚膠黑毛豬燒賣

估唔到咁多人鍾意食燒賣，尋日諗住求其post啊，點知大家好有反應喎！於是今日就快快脆脆寫咗呢個食譜俾大家先！ 燒賣其實唔難做，係墨魚膠比較難搞，如果大家真係冇時間，其實可以買現成嘅墨魚膠試吓整嘅，當然味道就冇咁好味啦！ 墨魚膠材料材料：墨魚一隻（4斤左右）、肥豬肉一小塊、鹽1茶匙、糖2茶匙、生粉水少許 步驟1. 墨魚去皮洗淨，置雪櫃最少一晚（也可放冰格4-5小時）2. 肥豬肉切細粒3. 墨魚從雪櫃取中，切粗粒（1/3切細粒) 4. 把粗粒墨魚及肥豬肉放攪拌機攪拌，要逐少逐少做（否則攪拌機好容易壞，魂歸天國🥺） 5....
兩小時慢煮豉油雞

兩小時慢煮豉油雞

原來大家咁喜歡食豉油雞，尋晚出咗張相之後好快就有好多朋友like咗個post，今日出咗去玩所以都要今晚先整到食譜俾大家！慢煮豉油雞其實一啲都唔難做，但係就需要一啲時間，等隻雞慢慢煮，等啲汁入味！只要有蒸籠，同埋適當嘅密實袋，幾種唔同嘅材料，加一隻新鮮嘅雞，就可以做到皮嫩肉滑嘅豉油雞，有時間嘅時候，不妨可以試吓😀 材料：新鮮三黃雞一隻（兩斤重左右）豉油汁材料：八角兩粒、桂皮一塊、生抽200毫升、冰糖一湯匙、老抽一茶匙、蔥頭兩至三粒（一開四）、玫瑰露酒一瓶蓋、蔥段適量、月桂葉少許其他：食鹽1.5茶匙、慢煮用密實袋一個 步驟1....
滷水大墨魚

滷水大墨魚

原來好多朋友鍾意食滷水大墨魚，滷水大墨魚嘅做法其實非常簡單，最緊要係有一煲好靚嘅滷水！至於大墨魚呢，喺宜家呢個季節好多街市都有得賣，我嗰隻大墨魚係喺樂富街市買到嘅，不過價錢唔平，上次買嘅大墨魚，一兩係$10，半隻大約160至$180左右！不過以游水來講，味道鮮甜，貴少少都值得！ 材料：大墨魚半隻、八角一粒、桂皮一小塊、魚露一湯匙...
改良版杏汁白肺湯

改良版杏汁白肺湯

等咗好耐終於都轉季，可以着下長袖衫，但係轉季通常都係伴隨着喉嚨乾嘅問題，所以每年轉季嘅時候都會煲呢個湯水！材料唔貴但係好考心機嘅湯水，努力冇白費嘅杏汁白肺湯，今年做咗少少改良，加咗南杏同埋北杏嘅份量，小小嘅改變令到煲湯味道好咗好多好多！大家趁住聽日放假，可以洗下豬肺，自己試吓煲啦！ 材料：豬肺一副、南北杏250克、果皮一片（浸軟去囊）、新鮮雞腳一磅、蜜棗兩粒、瑤柱兩粒 步驟1. 豬肺注入水，再把水壓出，重複數次，直至豬肺洗淨變白（呢個步驟好緊要，記得要洗得好乾淨先可以） 洗乾淨之後係咁嘅樣，洗咗三個鐘頭 2....