土匪烤脆雞

土匪烤脆雞

土匪雞翼，大家都鍾意食，如果用土匪醃料嚟整土匪雞又點樣呢？材料好簡單只係有一隻雞，但係醃料嘅材料比較多！其實買多啲醃料喺屋企，可以Mix and match整好多唔同嘅菜式出嚟，係一個唔錯嘅idea！土匪烤雞，可以轉做烤雞翼、烤雞髀、烤雞鎚……黑芝麻喺表面，脆卜卜又香又好味！ 材料：三黃雞一隻醃料：：芫荽籽一茶匙、黃薑粉半茶匙、五香粉半茶匙、胡椒粉1/6茶匙、3/4 茶匙孜然粉、生抽兩茶匙、魚露少許、蠔油一茶匙、一瓶蓋紹興酒、老抽少許、麻油一茶匙、糖1/2茶匙其他：鹽2茶匙 步驟1. 三黃雞洗乾淨後先用鹽醃最少3小時2....
12345黑醋排骨

12345黑醋排骨

明明今日好忙、明明有啲眼瞓，但係又好想寫食譜喎！咁就寫埋先瞓覺啦！喺中式餐廳成日食到嘅鎮江排骨或者黑醋排骨，其實喺屋企非常容易整！只要記住口訣，12345 +1半，就可以做得到啦！ 12345加一半係咩呢？一瓶蓋紹興酒、兩茶匙老抽、三茶匙生抽、四湯匙陳醋或鎮江醋五湯匙水（可按喜好增加）+半塊片糖，用佢炆排骨45分鐘就搞掂啦！係咪聽落去好簡單呢？快啲去睇食譜啦! 材料：一字排骨一斤（一條骨斬開三至四條）、薑兩至三片、蒜頭數粒醬汁材料：一瓶蓋紹興酒、兩茶匙老抽、三茶匙生抽、四湯匙陳醋或鎮江醋五湯匙水（可按喜好增加）+半塊片糖 1....
氣炸脆皮雞翼

氣炸脆皮雞翼

由細到大都好鍾意食炸雞翼，細個嘅時候爸爸會喺秋風起嘅時候買好多雞全翼返屋企，晨早流流就幫佢哋上皮，然後用冷衫嘅針將佢哋穿起，再掛喺衣架上面，掛喺窗出邊吹乾佢🤣炸雞翼，對於我嚟講係一個好特別嘅童年回憶，因為要符合好多條件先有得食：秋風起、遇正星期六日阿爸唔使返工、仲要佢心情好、仲要唔懶肯出去買雞翼😛難道指數90%😎 以前遇到秋風起嘅時候，都會間中喺露台嗰度吹乾啲雞翼自己用油炸，但係一玩就玩一日，今日晏晝突然間好想食炸雞翼，唔夠時間吊一日、天氣有潮潮濕濕咁樣！咁就試吓用氣炸鍋啦！ 氣炸鍋最低嘅溫度，可以set到...
象拔蚌仔乾魷魚荷葉飯

象拔蚌仔乾魷魚荷葉飯

批發商最近搵我話入咗一批好靚嘅半乾濕魷魚，喺泰國過嚟嘅，叫我買啲返去試吓！有新材料就整個新食譜！用半乾濕魷魚仔嚟整荷葉飯帶點鹹香味、帶點鮮味！ 飯嘅上面鋪滿晒象拔蚌仔，鮮甜嘅象拔蚌汁流啲飯到😋😋😋 工人姐姐話：「不如聽日再煮多次？」，姐姐都比我train到好識食😝 材料： 白米兩杯、雞湯兩杯、乾瑤柱兩粒、蝦米一湯匙、半乾濕魷魚仔六至七隻、荷葉一塊、蒜頭六粒（切細粒）、象拔蚌仔六至八隻、冬菇五隻蒜頭調味：蠔油、生抽及糖少許荷葉飯豉油：生抽2茶匙、老抽一茶匙、玫瑰露酒一瓶蓋、糖少許及生油少許其他：蔥花適量 步驟1....
肉鬆粢飯

肉鬆粢飯

食得西式嘅早餐多，間唔中都想食飯暖下胃，下午茶食得蛋糕多，間唔中都想食啲特別嘢。咁究竟有乜嘢咁特別呢？肉鬆同埋油炸鬼，脆卜卜小朋友一向都鍾意食，加埋糯米飯一齊做粢飯、間唔中食吓又飽肚又美味！ 粢飯好易做，只要預早一晚浸定糯米， 30分鐘就有得食啦！大家快啲嚟睇吓點樣整啦！ 材料：白糯米一杯、油炸鬼¼條、肉鬆一茶匙用具：魚袋一個、保鮮紙一張 1. 糯米洗乾淨後，放在水中浸一晚，或最少3小時2. 把魚袋放在蒸架上，糯米瀝乾後放在魚袋上 3. 蓋上蓋子以中小火蒸20分鐘，關火後再焗5分鐘4. 糯米完成，放涼備用 5....