新鮮雞湯碗仔翅

新鮮雞湯碗仔翅

小朋友成日都肚餓，仲記得我細個嘅時候都係成日肚餓，就同媽咪講要落去買嘢食。以前屋企樓下仲有車仔檔（走鬼嗰款）、一部車仔，分開咗幾格，賣魚肉生菜、碗仔翅、湯魚蛋、湯豆腐，超勁好味！ 尋日阿女突然間話好耐冇食碗仔翅，於是係屋企附近熟食檔買，點之唔好食，好似食緊生粉水咁😞😞。 既然係咁就自己整啦！去雞檔買來新鮮嘅雞殼，然後再浸發日本花菇同埋有機木耳，夜麻麻準備咗個湯底今晚就煲啦！ 用上新鮮雞殼做嘅雞湯，非常鮮味，自己整嘅碗仔翅仲可以落好多材料，茨汁用馬蹄粉，冇咗生粉水嗰種粉味，仲好晶凝通透添！ 碗仔翅唔難做，大家快啲跟着食譜做吓啦！...
黑糯米酒煮雞蛋仔

黑糯米酒煮雞蛋仔

小時候很喜歡和媽媽到街市，覺得每一樣野都有趣，無論係魚檔、菜檔定係雞檔都覺得好新奇。記得有一次，同媽咪去買新鮮雞，拎雞之後老闆娘話我哋好好彩，因為隻雞有雞蛋仔，非常好睇嘅我即刻睇一睇，嘩原來真係母雞入面一串串嘅雞蛋😍😍😍，立即問媽媽可以點樣整呢？媽咪就話：「當然係用嚟整雞酒啦！」。 那時候我只有八九歲左右，覺得酒應該係大人先飲得嘅。阿媽笑住話：「用黑糯米酒加少少落去，甜甜地，小朋友食少少唔緊要啦！」。嗰一次係我第一次品嚐酒嘅味道，甜甜地又幾好味喎！...
焗爐版叉燒

焗爐版叉燒

叉燒斬大嚿叉燒！由細到大都好鍾意食叉燒，細細個住喺舊區，街坊鄰里非常之熟悉，屋企樓下就有一間燒臘舖。嗰陣時同燒臘舖嘅斬叉燒叔叔好熟，每次佢都比最靚嘅叉燒我！而最好味嘅呢一定係第一刀既叉燒，肥肉爽口但不肥膩，但係唔係成日都買得到，要預早幾日同佢講留返先有。 後來燒臘舖結業之後，想食到最美味嘅叉燒就唯有自己整啦！要整到靚叉燒當然要買到靚嘅豬肉，要買到第一刀有兩個方法，一係你就同豬肉檔好熟佢留返俾你，一係就晨早流流八點未夠去街市買🤣 今次用現成嘅叉燒醬去做第一刀叉燒，再加少少調味料，適合要返工忙碌嘅大家。...
原隻椒鹽炸斑馬瀨尿蝦

原隻椒鹽炸斑馬瀨尿蝦

細細個同屋企人去西貢食晚餐，最鍾意就係食瀨尿蝦，炸香左嘅瀨尿蝦連學都卜卜趣好好味。肉質方面其實我鍾意食斑馬瀨尿蝦，因為比較鮮甜，但係呢款瀨尿蝦好難炸得好脆！今日同朋友嘅爸爸傾開計，原來佢之前係做中式酒樓廚師，俾咗個秘訣我，今晚試吓整OK喎！大家不妨試試做，係屋企都可以食到西貢海鮮嘅味道！ 我呢今日就試做一隻，因為小朋友話瀨尿蝦個樣好醜樣，唔想食，咁我就自私食啦！ 材料（一人份）：斑馬瀨尿蝦一隻，泰國米粉20 g、蔥花適量、蒜粒適量、五香淮鹽約1/3 茶匙、鹽少許、竹籤兩支、指天椒數片 步驟 1....
清香竹筒大蝦糯米飯

清香竹筒大蝦糯米飯

小時候最喜歡的課外活動是女童軍😍還記得中學時代每個星期六都到社區中心參加女童軍的活動。 其中女童軍有一個叫做八項綱領嘅訓練，其中我最喜歡嘅就係露營紮作嘅訓練同埋野外烹飪嘅訓練。仲記得嗰陣時每逢長假期都會去露營，孭住重重嘅背囊，行長長嘅山路，帶着野外烹飪嘅Gas爐同埋廚具，去到邊煮到邊。 記得有一次去到有好多竹嘅地方，領袖教我哋用竹來煮飯，新鮮嘅竹用嚟煮飯非常好味，帶有淡淡的竹清香味。事隔多年，仲記得當日嘅味道。...