簡易鱔糊

簡易鱔糊

大學的時候，有一段長時間在大埔民政處做兼職，一方面兼取一點生活費、一方面積累工作經驗、另一方面盡享大埔區的美食。那時有一間上海餐廳，就在民政處的不遠處，我們常常都到訪，小小的餐廳裝修不講究，但鱔糊卻是一流。加上價格實惠，所以當年常常幫襯。 及後，找了正職，偶然也會去找舊同事食lunch，可是近年就愈來愈少了。幾天前經過街市，正考慮要買甚麼做lunch，就見到黃鱔，心想不如就自已做鱔糊食下啦！用新鮮的黃鱔做的鱔糊好簡單，10分鐘就做好了，是否正宗就不得而知，舌頭話我知好味就夠😆...
鮮牛肉山竹牛肉

鮮牛肉山竹牛肉

小時候到酒樓飲茶妹妹最愛吃的點心就是山竹牛肉，細細個嘅佢可以一個人食到兩碟山竹牛肉。今日適逢晚上約咗妹妹出去食晚餐，想比一個驚喜佢，於是前幾日開始實驗製作山竹牛肉。 話說有一個朋友佢嘅爸爸喺酒樓做點心師傅多年， WhatsApp問佢山竹牛肉有啲乜嘢秘訣，原來秘訣在於梘水同埋梳打粉。因為我一向都崇尚落少啲chemicals，但朋友嘅爸爸話呢兩樣係一定要落嘅，好啦咁就試吓唔同嘅比例睇吓做出嚟山竹牛肉有咩唔一樣。 第一日試驗嘅時候冇將牛肉放雪櫃雪一晚，整完即刻蒸，牛肉欠缺彈牙，雖然味道唔錯，但係未Perfect。...
生炸脆皮炸子雞

生炸脆皮炸子雞

話說家父好鍾意煮嘢食，以前佢喺酒店做工程師，最鍾意就係落廚房睇吓啲廚師點樣煮嘢食。細細個嘅時候會喺屋企整炸子雞、炸雪糕、佛跳牆、燒鵝……各適其適嘅美食。可能因為咁，所以我自細就學識咗好多唔同嘅菜式。 中式炸子雞，係我12歲嘅時候就學識嘅菜式，嗰陣時住16樓，一到秋風嘅時候，爸爸就會買來一隻三黃雞，然後好忙碌咁上皮，再吊在窗口嗰度等佢吊乾！ 經過幾小時風乾後，雞皮變得非常乾爽，就開始落油鑊炸，花上手力同埋35分鐘嘅時間。脆卜卜嘅炸子雞就完成啦！雖然好攰，但係呢度菜式全部人都鍾意食，攰啲都值得嘅。...
蟹肉鹹魚蓮藕餅

蟹肉鹹魚蓮藕餅

細細個間唔中都會食鹹魚，雖然說鹹魚不是有益的食物，但是加入菜式入面就有畫龍點睛嘅效果。 在街市買來紅花蟹，一般都是用來清蒸，好好奇將鮮味嘅紅花蟹肉加入鹹魚製作蓮藕餅會係咩味道，一試之下發現鹹魚嘅鹹香能夠增加蟹肉嘅鮮味，豬肉就用上黑毛豬肉，三種材料加埋一齊味道也不錯。 材料（可做八件）：蓮藕一小節（選擇粗度不要太粗的蓮藕，否則蓮藕餅做出來會很大件）、鹹魚少許（大約一茶匙份量）、梅頭豬肉$40、紅花蟹兩隻（拆肉） 調味料：生抽一茶匙、糖半茶匙、水適量 步驟：1. 梅頭豬肉洗乾淨後抹乾，剁碎備用2. 鹹魚煎香後去骨，用手指搓碎...
蟹粉小籠包

蟹粉小籠包

唔講唔知原來你哋好鍾意食蟹粉小籠包喎！今日我俾大家炸爆咗個inbox，再炸包埋個WhatsApp🤣🤣🤣🤣 好多朋友急不及待要食蟹粉小籠包🤣🤣🤣今日又拆蟹肉拆到傻咗，不如咁啦快快趣寫個食譜俾你地，自己試吓整？ 講明先，小籠包呢啲係心機菜式，一啖就食晒但係其實搞好耐㗎！有心理準備就睇下面嘅食譜啦😆 材料：蟹粉三湯匙、黑毛豬肉$40（好似大約六兩）、香蔥適量、芹菜少許（可省）、芫荽少許（可省）、雞湯100ml、魚膠粉15 g、雞蛋半隻調味料：鹽3/4茶匙、胡椒粉少許、生抽一茶匙、薑蔥水兩湯匙小籠包皮：中筋麵粉100克、暖水65ml...