補腦合桃腰果糊

Daphne 樂思廚 — Wed, 23 Mar 2022 13:10:28 +0000

間唔中都有想食宵夜嘅時候，尋晚有啲肚餓，又買多咗靚靚合桃，於是就親手整下合桃糊，補下個腦先。

自家製嘅合桃糊，真材實料無添加，仲可以揀整少或者走糖，比較健康。

用新鮮白米磨成嘅米漿，加入合桃糊入邊，令到成個合桃腰果糊更添香氣！

材料（四人份）：合桃一斤、白米半杯、腰果80克、冰糖適量（按喜好加減）、水2L

步驟：
1. 白米洗乾淨加入少許水份，已攪拌機打磨，過濾後即成米漿

2. 合桃洗乾淨，放在滾水中煮1至2分鐘（可去除合桃的苦澀味）

3. 合桃瀝乾水份後放在鑊中，與腰果一起白鑊炒香。

4.腰果合桃加入1公升的水放在攪拌機中攪拌均勻，過濾備用。另外的一半腰果合桃也以同一個方式處理。

5. 把過濾後的合桃腰果漿放進鍋中，以小火煮滾，期間要不斷攪拌，加入適量的冰糖碎直至喜歡的甜味。
6. 最後加入適量的米漿攪拌至喜歡的稀杰度即可
7. 喜歡香口一點的話，可以留少少已經炒香嘅腰果合桃放喺合桃糊上面，滋味非常

焦糖日本蛋布甸

Daphne 樂思廚 — Wed, 05 May 2021 14:29:38 +0000

同小朋友去日本餐廳食飯，每次食完正餐之後佢哋都會想叫甜品。阿女最鍾意食嘅甜品係焦糖布甸，其實我都鍾意食，焦糖味滑滑嘅布甸，幾啖就食晒！每次食嘅時候都覺得有啲唔捨得嘅感覺🤣🤣

自己整嘅話，一個人可以食兩個、甚至三個🤣🤣🤣仲可以用靚糖、靚蛋、靚牛奶！味道一定好好多！

呢個焦糖布甸製法非常簡單，大家同小朋友一齊做，做完一齊食，開開心心過一個親子嘅週六日啦！

焦糖材料：水2.5湯匙、上白糖六湯匙（用普通白糖都可以）

布甸材料（可做四個150 ml布甸）：鮮奶250 ml 日本雞蛋兩隻、上白糖1.5湯匙

其他用具：火槍一支、布甸模四個

步驟

1. 把焦糖材料放進小鍋中，以中小火煮滾，觀察其顏色變化，當白糖轉至淺啡色時，可轉動小鍋，使受熱更均勻。直至糖轉成較深一點的啡色時關火

2. 布甸模掃上一層薄油，把焦糖放進

3. 在另外一個鍋中煮熱鮮奶及白糖直至鍋邊冒起泡泡！記着不要煮滾鮮奶，只需要加熱直至65度左右即可

4. 在大碗中打發雞蛋，把鮮奶放進，過濾後放進布甸杯中

5. 以保鮮紙覆蓋布甸杯，以100度蒸18分鐘，放涼後至雪櫃最少6小時

6. 取出以火槍略為加熱布甸杯，布甸即非常容易取出